Erdogan pretendon se është rrethuar rajoni Afrin në Siri

Ushtria turke dhe aleatët e saj rebelë kanë rrethuar rajonin Afrin të Sirisë, ka deklaruar presidenti turk, Recep Tayyip Erdogan, transmeton Reuters, përcjell REL. 

Një hap i tillë përbën avancim të madh në operacionin e ushtrisë turke në këtë rajon.

Turqia ka nisur sulmet në veri të Sirisë gati shtatë javë më parë, me qëllim të largimit të kurdëve sirianë (TPG) nga kufiri turk.

Turqia e konsideron YPG-në grup terrorist dhe të lidhur me Partinë e Punëtorëve të Kurdistanit (PKK).

Të enjten, forcat turke dhe aleatët nga Ushtria e Lirë Siriane kanë marrw kontrollin e qytezës veriore, Jinders, kanë raportuar mediat shtetërore.

Turqia tani kontrollon pesë nga shtatë vendbanime në rajonin verior të Afrinit, kanë njoftuar po këto media.

Gjatë ditës së sotme, një zëdhënës i YPG-së ka kundërshtuar se rajoni Afrin është rrethuar dhe ka thënë se disa rajone për të cilat Turqia prentedon se i ka fituar, në fakt janë aktualisht zona të luftimeve.

“Forcat e ushtrisë së Erdoganit janë 10-15 kilometra larg Afrinit”, ka thënë zëdhënësi i YPG-së, Nouri Mahmoud.

Erdogan ka deklaruar se pas kontrollimit të rajoneve Afrin dhe Manbixh, operacioni do të zhvendoset në lindje, për të larguar luftëtarët kurdë nga kufiri Siri-Turqi.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP