Hapet në Kanada “Shtëpia e Shqiptarit”

Shqiptarët në Kanada kanë në projektin e tyre ndërtimin e “Shtëpisë së Shqiptarit”, e cila do t’u kushtohet aktiviteteve kulturore dhe hapjes së klasave të mësimit të gjuhës shqipe.

Kjo u bë e ditur në takimin e Ministrit të Shtetit për Diasporën, Pandeli Majko me përfaqësuesit e Shoqatës Shqiptare të Hamiltonit.

Në takim, ku ministri Majko shoqërohej nga homologu i tij nga Kosova Dardan Gashi dhe ambasadorët e të dyja vendeve, u njoh me punën dhe potencialin e shoqatës, raporton ATSH.

Përfaqësuesit e shoqatës informuan ministrin Majko lidhur me projektin e ngritjes së “Shtëpisë së Shqiptarit”, siç do të quhet qendra që do t’i kushtohet aktiviteteve kulturore shqiptare, si dhe kurseve të gjuhës shqipe, u tha në takim.

Duke e cilësuar diasporën në Kanada si një fenomen, për shkak të përfshirjes së madhe të intelektualëve, ministri Majko i informoi të pranishmit lidhur me hapat e ndërmarrë në bashkëpunim me Kosovën, për ta trajtuar komunitetin shqiptar si një të tërë.

Hapet në Kanada “Shtëpia e Shqiptarit”

“U fol për marrëveshjet dypalëshe lidhur me diasporën, si ato për hapjen e qendrave të përbashkëta kulturore në të gjithë botën dhe për fushën e arsimit. Për Ministrin, arsimi ka një rëndësi të veçantë. Nëse nuk do të kujdesemi për identitetin tonë, do të humbasim mijëra të rinj pa bërë asnjë luftë”, ishte komenti i ministrit Majko.

Ai e cilësoi përfshirjen e mësimit të gjuhës shqipe në sistemin e brendshëm shkollor, si një prej arritjeve më të rëndësishme dhe shtoi se do të përpiqej që të nxiste shtrirjen e këtij standardi edhe në rajone të tjera.

Shoqatës Shqiptare të Hamiltonit që prej 23 vitesh vepron për promovimin e kulturës dhe vlerave kombëtare, si dhe për integrimin e komunitetit shqiptar në Kanada.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP