Trump reagon ndaj Asadit, Rusisë dhe Iranit për “Gutën Lindore”

Presidenti i SHBA-ve, Donald Trump, tha se veprimet në periudhën e fundit në Gutën Lindore, nga Siria (regjimi i Asadit), Rusia dhe Irani janë një turp i madh njerëzor, transmeton Anadolu Agency (AA).

Trump ka mbajtur një konferencë të përbashkët për shtyp pas një takimi në Shtëpinë e Bardhë me kryeministrin australian, Malcolm Turnbull.

Në lidhje me situatën e fundit në Siri, konkretisht në Gutën Lindore, Trump është shprehur: “Atë të cilën po bëjnë në periudhën e fundit në (Gutën Lindore) Siria (regjimi i Asadit), Rusia dhe Irani është një turp i madh njerëzor. Prania e SHBA-ve atje nuk ka asnjë qëllim tjetër vetëm se të eliminojë DEASH-in dhe të kthehet në shtëpi. Dhe këtë ne e kemi përfunduar në masë të madhe, por ajo çfarë po i bëjnë popullit atje këto tre vende është një turp”.

Ndërsa Turnbull në një vlerësim në lidhje me këtë çështje tha se gjakderdhja do të ndalë vetëm nëse gjendet një zgjidhje politike për krizën në Siri.

Departamenti Amerikan i Shtetit në një deklaratë ditën e djeshme bëri përgjegjës regjimin e Asadit, Rusinë dhe Iranin për sulmet e vazhdueshme në Gutën Lindore, por deklaroi se SHBA ndodhej në luftën kundër DEASH-it në Siri.

Sipas informacioneve të marra nga Qendra e Mbrojtjes Civile në Gutën Lindore, ka arritur në 334 numri i personave që kanë humbur jetën në sulmet e ashpra të regjimit gjatë 4 ditëve të fundit.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP