Një tjetër derbi Inter-Milan… për Balotellin

Nëse deri tani kalimi në Nice konsiderohej si një vend rehabilitimi, ditët e fundit është kthyer në një ferr të vërtetë dhe tani më shumë se kurrë ai po mendon rikthimin në Itali, transmeton TCH.

Mario Balotelli nuk i ka kapërdirë dot koret raciste me të cilat është përballur javët e fundit në Francë dhe për më tepër pas edhe kartonit të verdhë që mori sepse u ankua për koret. Sulmuesi italian që po kalon një formë të shkëlqyer sportive është shprehur se është gati te rikthehet sërish në Itali.

Në muajin janar sulmuesi 27-vjeçar ishte shumë afër kalimit te Juventus, por tani radarët janë drejtuar nga Milano, ku ai edhe shpërtheu si futbollist.

Inter dhe Milan janë interesuar për sulmuesin që me shumë gjasa do të rikthehet edhe në kombëtaren e Italisë. Balotelli në 2010 u largua nga Inter për të provuar një eksperiencë te Manchester City, më pas në 2014 erdhi sërish në Itali te Milan, huazuar nga Liverpool, por pa mundur të lërë gjurmë.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP