Të gjithë u morën me çantën, por flokët e bashkëshortes së Kryeministrit paskan kushtuar më shumë

Festa e Pavarësisë së Kosovës është komentuar gjatë ditës së djeshme për shumë detaje. Koncerti i Rita Orës dhe çdo lëvizje e saj ishte burim informacioni për mediat e portalet. Por jo më pak edhe për përfaqësuesit e Prishtinës zyrtare e sidomos për shoqërueset e tyre, shumë prej të cilave ranë në sy të të gjithëve, shkruan Class.

Të shtunën, bashkëshortja e Kryeministrit të Kosovës, Anita Haradinaj, ishte pothuaj në të gjitha portalet për çantën që mbante në ditën e Pavarësisë. Jo e zakonshme dhe, natyrisht, e kushtueshme, çanta e Anitës, sipas mediave të Kosovës, kushtonte plot 1500 euro.

Një model i koleksionit të fundit të Louis Vuitton, për pranverën e 2018-ës, që mbante në krahë Anita, u ka rënë në sy të gjithëve. Por nuk paska qenë kjo vlera më e lartë e look-ut të saj në 10-vjetorin e Pavarësisë.

E njohur për shijen e hollë, Anita është kujdesur për çdo detaj, edhe për flokët, për të cilët paska shpenzuar shumë më shumë nga ç’mund të keni menduar.

Siç shkruan Magazina.al, flokët e shtuar për një ditë të tillë i kanë kushtuar jo pak, por 1700 euro. Pavarësisht shifrës së lartë e të shumëkomentuar në rrjet, e sigurt është që pamja e bashkëshortes së Kryeministrit këtë të shtunë ishte mahnitëse.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP