Shkëndija më lehtë se sa mendohej e kaloi Shkupin

Në kuadër të javës së 20-të të Ligës së Parë futbollistike të Maqedonisë, është zhvilluar derbi shqiptar ndërmjet Shkupit dhe Shkëndijës, duel ky që përfundoi me fitore të mysafirëve nga Tetova me rezultatin 0:3.

Fitore e merituar e kuqezinjve të cilët po marshojnë drejt titullit të dytë në historinë e tyre. Autor të golave për djemtë e trajnerit Qatip Osmani  ishin Cuculi, Hasani dhe Ibraimi.

Pjesa e parë nuk solli shumë befasi, edhe pse lideri aktual diktonte tempin e lojës dhe kishte iniciativën, ndërsa Shkupi tentoi në disa raste me anë të Alen Jasharoski dhe Bllazhe Ilijoskit, por duke rrezikuar Zahovin vetëm në skajet e portës. Në pjesën e dytë Shkupi filloi furishëm, por pa arritur të rrezikojë portën.

Fitore ka shënuar edhe skuadra e Vardarit me rezultatin 3:0 duke e mundur Pobedën dhe kështu ka ruajtur negativen kundrejt Shkëndijës prej tetë pikëve.

Pelisteri befasoi Rabotniçkin duke e mundur me rezultatin 3:2, ndërsa pa fitues 0:0 përfundoi takimi Akademija Pandevi dhe “Skopje”. Me të njëjtin rezultat përfundoi edhe takimi i cili u zhvillua të shtunën ndërmjet Renovës dhe Sileksit. /Portalb.mk/

Rezultatet:

A.Pandev – Skopje 0-0

Shkupi – Shkëndija 0-3

Vardari – Pobeda 3-0

Pelisteri – Rabotniçki 3-2

Renova – Sileksi 0-0

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP