Tetovë, të rinjtë me aksion interesant “Eduko, merr aksion për një ambient më të pastër ” (FOTO)

Në shkollat fillore “Naim Frasheri”, “Liria” dhe “Kirili dhe Metodi” në Tetovë  janë vendosur nga tre shporta për selektimin e mbeturinave për qelq, plastikë dhe letër, njofton Portalb.mk.

Shportat dhe aktivitetet tjera ekologjike zhvillohen në kuadër të projektit “Eduko, merr aksion për një ambient më të pastër ”të financuar nga USAID që e implementon Qendra për hulumtime strategjike dhe dokumentim “Forum” duke angazhuar kështu një grup jo-formal të të rinjve nga Tetova, Fortesa Asani, Njomza Beqiri, Ardit Ramadani, Jetmire Ramadani, Diturim Xheladini, Sara Luma.

Gjithashtu kanë dhënë si donacion lojëra të ndryshme të cilat nuk i përdorin, te qendra për persona me nevoja të veçanta në Tetovë.

Organizatorët dhe fëmijët e po të njëjtave shkolla kanë bëre selektimin e mbeturinave përreth territorit të shkollave. Fëmijët kanë bërë dhe shpërndarjen e qeseve ekologjike tek qytetarët me qëllim që të bartet mesazhi për shmangien e qeseve nga najloni.

Gjithashtu, janë mbajtur ligjërata në temat rreth procesit të riciklimit, reduktimit dhe ripërdorimit të mbeturinave si dhe për kujdesin ndaj ambientit jetësor në shkollat e lartpërmendura, me ligjërues Arianit Xhaferi, aktivist i ambientit jetësor.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP