Seanca solemne e Pavarësisë së Kosovës shtyhet për të dielën

Seanca solemne që ishte paralajmëruar të mbahej më 17 shkurt për nder të dhjetëvjetorit të Pavarësisë së Kosovës, nuk do mbahet këtë të shtunë.

Lajmin për media e ka konfirmuar Zyra e Protokollit nga Kuvendi i Kosovës, njoftojnë mediat kosovare.

“Seanca solemne për nder të 10-vjetorit të Pavarësisë së Kosovës, e planifikuar të mbahet të shtunën më 17 shkurt 2018, është shtyrë për të dielën më 18 shkurt 2018 – me fillim nga ora 12:00”, thuhet në njoftimin për media.

Raportohet se kjo shtyrje është bërë për shkak të Konferencës së Sigurisë së Munihut dhe me “kërkesë” të miqve ndërkombëtarë.