Tusk: Të përforcohet lidhja e BE-së me Ballkanin Perëndimor dhe midis shteteve të rajonit

Qëllimi ynë është përforcimi i lidhjeve midis BE-së dhe Ballkanit Perëndimor, si dhe përforcimi i lidhjeve midis vetë shteteve të rajonit, deklaroi sot kryetari i Këshillit të Evropës, Donald Tusk pas takimit me kancelarin austriak, Sebastian Kurc në Vjenë, transmeton MIA. 

“Biseduam për samitin e BE-së dhe Ballkanit Perëndimor, që do të mbahet në maj në Sofje, qëllimi i të cilit është përforcimi i lidhjeve, si me rajonin ashtu edhe brenda në rajon. Kjo u dedikohet më shumë investimeve në infrastrukturën transportuese, përforcim i bashkëpunimit në arsim dhe kulturë, që komunikimi midis qytetarëve të jetë më i lehtë dhe më i shpejtë”, porositi Tusk.

Kryetari i Këshillit të Evropës me kancelarin austriak ka biseduar edhe për samitin vijues të liderëve të BE-së, në të cilin në plan të parë do të jetë buxheti i ardhshëm shumëvjeçar i BE-së, i cili do të bazohet në prioritetet e BE-së në dekadën e ardhshme.

Tusk paralajmëroi se, krahas sigurisë dhe mbrojtjes, teknologjisë digjitale dhe arsimit, midis prioriteteve të BE-së në dekadën e ardhshme do të jetë ndalja e migracionit ilegal në BE. Pikërisht për këtë, kryetari i Këshillit të Evropës e shikon rolin e rëndësishëm të shteteve nga Ballkani Perëndimor.

Sipas tij, Samti midis BE-së dhe Ballkanit Perëndimor në Sofje do të jetë i rëndësishëm për përforcim të bashkëpunimit në sferat e interesit të përbashkët, duke e përfshirë edhe sigurinë dhe migracionin, për shkak se, siç tha, pjesëmarrja e Ballkanit Perëndimor, “si ruajtës shekullor i kufijve evropianë në ndaljen e valës së emigrantëve në Evropë në vitin 2015, ishte i rëndësishëm”.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP