Kim: Me rëndësi është të arrihet klimë e besimit dhe dialogut

Lideri koreanoverior Kim Xhong-un pas vizitës treditore në Korenë Jugore, ku mori pjesë në hapjen e Lojërave Olimpike Dimërore, deklaroi se është me rëndësi të arrihet “klimë e ngrohtë e pajtimit dhe dialogut”, njoftuan mediat koreanoveriore.

Ai shprehu kënaqësi nga vizita dhe theksoi se përpjekjet e Koresë Jugore që vizita e tij të jetë prioritet ishin “shumë impresive”.

“Është shumë me rëndësi të vazhdojnë rezultatet e mira me ringjalljen e mëtutjeshme të klimës së besimit dhe dialogut, e cila krijoi dëshirë të fuqishme dhe vullnet të përbashkët midis Koresë Veriore dhe Jugore”, theksoi Kim.

Ndërkohë, në Kombet e Bashkuara, Pheniani kërkoi nga sekretari i përgjithshëm i organizatës botërore Antonio Guteresh të organizojë forum ndërkombëtar nga ekspertë ligjorë, që të sqarohen sanksionet gjithnjë e më rigoroze të Këshillit të Sigurimit të KB-së, të cilat e rrezikojnë “të drejtën e ekzistimit” të koreanoveriorëve.

Në kumtesën e misionit koreanoverior në KB theksohet se sanksionet e intensifikuara të nxitura nga SHBA-ja dhe ithtarët e tyre krijojnë bllokadë, e prishin sovranitetin e vendit dhe e shkelin të drejtën ndërkombëtare.

Misioni koreanoverior e akuzoi KS të KB-së se sillet në mënyrë jocivilizuese me atë që dëshiron ta kthejë Korenë Veriore në histori, me çka e shkel të drejtën e jetës dhe zhvillimit të qytetarëve të saj.

“Koreja Veriore kërkoi nga sekretariati i KB-së të organizojë forum ligjor para një viti, por kërkesa u refuzua”, theksohet në kumtesën e misionit koreanoverior.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP