Maqedonia dhe SHBA-ja do ta intensifikojnë bashkëpunimin e forcave speciale

Pas përmirësimit të gjendjes politike në Maqedoni, fokusi është vendosur në qëllimet strategjike, anëtarësimi në NATO dhe në BE, porositi sot ministrja e Mbrojtjes Radmilla Shekerinska në takimin me komandantin e Komandës për operacione speciale të SHBA-së në Evropë, gjeneralmajori Mark Shvarc.

Siç, kumtuan nga Ministria e Mbrojtjes, bashkëbiseduesit në takimin kanë konkluduar se Maqedonia dhe SHBA-ja kanë bashkëpunim gjithëpërfshirës dhe të vazhdueshëm në fushën e mbrojtjes, dhe se angazhimi i përbashkët është që ky bashkëpunim të mjetë më intensiv, veçanërisht në pjesën e forcave speciale të të dy vendeve.

Shekerinska e ka informuar mysafirin se Maqedonia mbetet e përkushtuar në pjesëmarrjen e misioneve paqeruajtëse ndërkombëtare dhe në aktivitetet për stërvitje të përbashkëta me partnerët e NATO-s, me ç’farë rriten edhe aftësitë dhe kapacitetet e Armatës së Republikës së Maqedonisë.

Gjenerali Shvarc e ka theksuar bashkëpunimin e shkëlqyer me ARM-në në fushën e forcave speciale dhe ka theksuar se SHBA-ja edhe në të ardhmen do ta mbështesë ARM-në në zhvillimin e kapaciteteve të saj përmes stërvitjeve dhe trajnimeve relevant. Gjenerali e ka përshëndetur vendimin për rritjen e pjesëtarëve të ARM-së në misionin “Mbështetje vendimtare” në Afganistan në vitin 2018.

Në suaza të vizitës, gjenerali Shvarc është takuar edhe me shefin e Shtatmadhorisë së ARM-së, gjeneralnënkolonelin Metodija Veliçkovski në të cilin është biseduar për bashkëpunimin shumëvjeçar në trajnimin, pjesëmarrjen e përbashkët në stërvitjet  ndërkombëtare dhe mundësinë për shfrytëzimin e kapaciteteve në “Krivollak” për aktivitete të përbashlëta. Shvarc e ka vizituar edhe Komandën e Regjimentit për operacione speciale të ARM-së.

Regjimenti për operacione speciale në ARM dhe Komanda për operacione speciale e SHBA-së në Evropë bashkëpunojnë nga viti 1996 kur ishte realizuar edhe programi i parë për stërvitje të përbashkëta. Në vitin 2016 dhe 2017 pjesëtarët e Regjimentit ishin pjesë e një numri të madh të stërvitjeve të organizuara nën mbështetje të SHBA-së në mesin e të cilëve edhe „Saber Junction 16“, „Anaconda 16“, „Combined Resolve 7“,„Combined Resolve 8“, „Allied Spirit 6“, „Saber Guardian 17“.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP