Zinxhirët tuaj dhe dielli im – shamia ime

Kujtesa Xheladini

Kujtesa Xheladini

Ju ka rastisur, sigurisht, të dëgjoni për mitin mbi banorët e një shpelle ,të cilën e shpalos  Platoni, në “Mitin e Shpellës”.

Këta, banorë, thotë Platoni nga lindja e tyre janë të lidhur me zinxhirë dhe si të tillë, nuk mund të lëvizin kokën për të parë gjërat që kanë rreth tyre, si dhe zjarrin i cili ua projekton hijet, në murin që kanë përballë. Pra, për ta, realiteti i vetëm që dinë janë hijet, të cilat projektohen falë zjarrit që kanë brenda në shpellë, dhe sigurisht, për ta është e paparamendueshme që të ketë një realitet tjetër, të cilin ata nuk e dinë.

Meqë, që nga lindja e tyre, ata janë të burgosur në një mënyrë të tillë, për ta njohja ka të bëjë me atë që shohin në mur, pra hijet e njerëzve dhe gjësendeve, të cilat ua projekton zjarri, të cilat ata tashmë munden t’i kategorizojnë.

Por, njohja e vërtetë, thotë Platoni, ndodhet jashtë shpellës, kur ata zgjidhen nga zinxhirët e tyre dhe pikasin një rrugë që gjendet jashtë shpellës.

Dhe, dija më e lartë jashtë shpellës është dielli, që me alegori Platoni flet për të mirën supreme.

Kështu, edhe sot, njeriu i tjetërsuar nga idhujt që krijon në mendjen e tij, lidh veten me “zinxhirë”, që me analogji krahasohet me idhujt që krijojmë ne brenda mendjes sonë, e që janë pikëpamjet, bindjet e ndryshme, me të cilat kemi ushqyer veten, ose na ka ushqyer ndokush,  për një kohë të gjatë.

Nisur nga kjo, ajo që dimë ne, dhe që në fakt e llogarisim si të mirë është vetëm hija që na e ka projektuar “zjarri i shpellës sonë”, e që sot ka shumë sosh, duke nisur nga agjendat e ndryshme politike, mediumet etj.

Rrjedhimisht, ne sot,  nisim të akuzojmë, shajmë, e fyejmë çdo njohje tjetër, të cilën na e kumton, ose servon ndokush, por që nuk përfshin spektrin tonë të njohurive.

Ne aq fort e kemi lidhur vetën në terrin e shpellës sonë (lexo: injorancës sonë), sa vështirë edhe të pranojmë “Diellin” jashtë shpellës, gjegjësisht të mirën që ndokush e llogarit si të tillë.

Sot, kur rrugët për  zgjidhjen nga zinxhirët dhe ngjitjen në horizonte tjera lart shpellës që kemi krijuar, na janë lehtësuar aq shumë, ne mëtojmë të rrimë të mbyllur dhe mbytur në shpellën tonë të vockël, duke sharë çdokënd që na tregon horizontet tjera të njohjes së tyre.

Ç’është më e keqja, ne nuk pranojmë kombësinë e njërit, bindjet, e besimin e tjetrit, si dhe format e shprehura të tyre, edhe nën petkun e nocioneve, që për domethënie kanë pranimin, respektin, tolerancën e bashkëjetesën mes këtyre të lartpërmendurave.

Ne kështu, njeriut të sotëm, i servuam idhuj të mendjes, me të cilat ne krijuam pasoja fatale, si: besime të rreme, imazhe të krijuara nga prirja për të ekzagjeruar, pasaktësi nga fjalë të rreme, e rrjedhimisht duke krijuar stereotipe, paragjykime e diskriminime.

Për këtë arsye, edhe në këtë kohë pasmoderniste, me sisteme demokratike, e liberale, femra që shfaq identitetin e saj fetar, me anë të një cope tekstili më shumë në trupin e saj, paragjykohet e diskriminohet, besa edhe terrorizohet, sikur të jetonte në sistemet më autokrate, a totalitare.

Duke e quajtur “zinxhir” këtë copë tekstili, harruan se në fakt ata vetëm se tregojnë shpellën e errët në të cilën gjinden dhe zinxhirët që po i mbajnë të lidhur.

Andaj, në këtë ditë, që për femrat me shami është ditë solidarizuese (jo rrallë edhe ditë shfryrje mllefi nga shpellarët që nuk dinë realitet tjetër jashtë shpelle), si dhe mundësi për ngritje zëri e kërkim barazie, të dalim me mesazhin se: “ Zinxhirë, nuk janë ato pikëpamje/bindje që ne i përqafojmë si  të vërteta, por ato pikëpamje që mendojmë se janë e vërteta e vetme.”

3 thoughts on “Zinxhirët tuaj dhe dielli im – shamia ime

  1. Shamia hichabi dhe burka jote jane zinxhiret me te tmershem qe i njeh shiptaria. Shamia eshte vrere dhe svastike fashiste arabe, qe asimilon popuj te tere demagoge dhe injorante si puna jote. Shipetarka nuk njeh shami, ajo nuk nje edhe tanga qe i mbartni nen ferexhene tuaj te qelbur arabe. Nuk te ben kjo muslimane, aspak. Besimi nuk mshefet nen shami, ajo eshte ne sy ne ftyre dhe ne zemer.

    Zoti ju ndihmofte, kuve qe shisni kombin dhe emrin tuaj ne emer te nje kulture nomade dhe primive, qe nuk do kete vend ne civilizimin perendimor.

  2. Rruga juaj eshte rruga e dreqit arabo turk, flliqesir qe jane kancerogjen per identitetin kulturor shiptar. Jeni te shitur per dreqin dhe rroberine qe u dhuron, vuani nga varferia e mendjes dhe logjikes se shenodoshe. Zoti ju ndihmovte, se jeni nisur rruges se pakthim per zhdukjene kombit. Ruga juaj con vetem ne Siri , o injorante te dreqit. Kombi eshte ne rradhe te pare, feja eshte kulture qe nuk kerkon nga rrobi te ndroje veshjen dhe sjelljen dhe ne emer te perendise te behet arab ose turk.

    Do ta paguani por me gjakderdhej ndershiptare, e kete presin armiqet tane me te medhenje turwit greket dhe serbet e ruset.

    Zoti ju ndihmofte, tte ju cliroje nga zinxhirat qe nuk i shikoni e tu ndrit pak ate mendje te shiptarit nese ka mbetur edhe pak ne koken tuaj.

  3. Shkrim interesant dhe mjafte i mirepunuar, megjithate po te mos ishte i vendosur ne kontekstin ne te cilin eshte i vendosur. Pervec 3 paragrafeve te fundit, qe shprehin me te vertete qendrimin tuaj, ajo cfare vjen me pare thjeshte aludon per njerez, zinxhire dhe shpella, per njerez me te meta dhe te bllokuar ne botekuptimin e tyre. Mbushur me metafora , me duhet te them se me pelqeu, por nuk mjafton per kauzen qe po mundoheni te mbroni, per shkak se mjafton te zevendesojme ato tre paragrafe te fundit me nje tjeter ceshtje sociale (te drejte ose jo te drejte) sot, dhe ja, tani kemi nje tekst me po aq kuptim sa ai pari. Pra ajo cfare ke shkruar eshte thjeshte nje thike Zviceriane per problematika sociale, fjale te medha qe godasin probleme te medha, por pa goditur ate qe po mundoheni te godisni qe ne fillim.
    Nese ruajme linjen tuaj te mendimit, atehere duhet patjeter te kemi dicka te qarte. Se pari, denigrimi dhe diskriminimi shfaqen kudo, jo vetem per gruan me shami, por dhe per vete gruan. Problematika ka plot, mendjelehtesi dhe paragjykim gjithashtu ka, megjithate kjo s’do te thote qe ju nuk mund te godisni nje spekter te caktuar te ketij paragjyikimi (ky spekter ndodh te kete te beje shume me shpellen tuaj, se tek e fundit gjithkush nga ne ndodhet ne nje shpelle).E vertete, te gjithe keta njerez jane te lidhur ne zinxhiret e tyre, e kane vizionin te gjysmuar nga shpellat e tyre, shohin vetem muret… Megjithate, a eshte e drejte te thuash qe nje urrejtje e formuar spontanisht, pa linja te qarta mendimi, pa frymezimin e organizmave shoqerore, pa parime e doktrine, i ngjan me shume zinxhireve se nje kult qe permban te gjitha tiparet e siperpermendura. Zinxhiret jane te forte, jane te qendrueshem, dhe s’ka se si nje urrejtje mediokre te jete me shume e forte dhe me e perngjashme me zinxhiret se nje besim shekullor. Islami, si cdo doktrine tjeter eshte zinxhir, megjithate s’po e gjykoj moralisht ekzistencen e ketyre zinxhireve, tek e fundit disa here zinxhiret duhen ne shoqeri. Thjeshte po them se , sic e permenda, nuk ke si t’i veshe tjetrit gishtin e t’i thuash se eshte i lidhur me zinxhire, eshte paragjykues, kur ju vete jeni duke zbatuar parime shekullore (dhe nje here, nuk i gjykoj moralisht keto parime).

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP