Anketë: Për 51 për qind nga qytetarët Ligji për përdorimin e gjuhëve nuk do ta përmirësojë bashkëjetesën

Ligji për përdorimin e gjuhëve nuk do ta përmirësojë bashkëjetesën vlerësojnë 51 për qind nga qytetarët, kundrejt 44 për qind të cilët janë përgjigjur pozitivisht, tregojnë rezultatet nga anketa telefonike e Institutit për Demokraci “Societas civilis”.

Në pyetjen nëse vlerësojnë se me Ligjin për përdorimin e gjuhëve do të përmirësohet bashkëjetesa në Maqedoni vetëm pesë për qind janë përgjigjur “nuk e di”.

Anketa tregon se ekziston dallim i madh në përgjigjet e kësaj pyetje varësisht nga ajo për cilën parti kanë votuar qytetarët e anketuar.  Kështu 77 për qind nga të anketuarit të cilët kanë votuar për VMRO-DPMNE-në vlerësojnë se nuk do të përmirësohet bashkëjetesa kundrejt, 39 për qind nga votuesit e anketuar për LSDM-në, 25 për qind nga votuesit për BESA-n dhe 11 për qind nga votuesit për BDI-në.

Optimistë më të mëdhenj se ligji do ta përmirësojë bashkëjetesën me 85 për qind janë votuesit e BDI-së dhe BESA-s me 75 për qind, ndërsa 55 për qind nga votuesit e LSDM-së dhe vetëm 18 për qind nga votuesit e VMRO-DPMNE-së besojnë se me ligjin do të përmirësohet bashkëjetesa në Maqedoni.

Për 34 për qind nga të anketuarit me vendosjen e këtij ligji çdo bashkësi etnike do ta shfrytëzojë vetëm gjuhën e tij, ndërsa për 57 për qind nga të anketuarit me vendosjen e këtij ligji gjuha maqedonase do të përdoret si gjuhë e përbashkët, tregojnë rezultatet nga anketa.

Anketa telefonike në ekzemplarë kombëtar prej 100 të anketuarve është zbatuar prej datës 19 deri më 26 janar të këtij viti nga “M Prospekt” për nevojat e Institutit për Demokraci “Societas civilis”, me margjina për gabim statistikor prej tre për qind.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP