Haradinaj diskuton me Tahirin preokupimet e qytetarëve të Kosovës
Kreu i ekzekutivit, Ramush Haradinaj, ka takuar sot deputetin Labinot Tahiri.
Në një postim të tij në rrjetin social Facebook, Haradinaj thotë se ka diskutuar me deputetin për zhvillimet në vend, transmeton Koha.net.
“Kënaqësi të bashkëbisedoj me deputetin, Labinot Tahiri, për temat aktuale në vend dhe preokupimet e qytetarëve tanë. E vlerësoj angazhimin e tij të sinqertë për t’u dhënë zgjidhje temave të interesit nacional, në të mirë të qytetarëve”, ka shkruar Haradinaj.
Labinot Tahiri është pjesë e Aleancës Kosova e Re e Behgjet Pacolli. Ditë më parë ai ka dhënë dorëheqje nga Kryesia e partisë së Behgjet Pacollit.
