Gjermani: Një taliban i dyshuar akuzohet për vrasje të policit afgan

Prokurorët gjermanë kanë nisur akuza për terrorizëm dhe vrasje kundër një anëtari të dyshuar të talibanëve të Afganistanit për pjesëmarrje në vrasjen e një polici afgan, transmeton REL.

Prokurorët federalë kanë thënë se ata janë ngritur padi kundër 20 vjeçarit, Omaid N., në gjykatën e Munihut.

Ai është akuzuar për anëtarësim në një organizatë terroriste, krime lufte dhe shkelje të ligjit për kontrollin e armëve të luftës.

Prokurorët kanë thënë se i dyshuari u është bashkuar talibanëve më 2013, ka rekrutuar anëtarë të rinj dhe ka ndihmuar në transportin e armëve për grupet militante islamiste të paktën një herë.

Ai po ashtu është akuzuar për goditje të policit duke shtënë më pas ndaj tij.

I dyshuari, i cili ka arritur në Gjermani në nëntor të vitit 2013, është arrestuar në maj të vitit të kaluar.

Ai është në paraburgim, në pritje të gjykimit.