Ja në cilat vende të Maqedonisë bie borë

Në rrugët shtetërore të Maqedonisë, komunikacioni po zhvillohet nëpër rrugë të lagështa.

Sipas njoftimit të LAMM, reshje të borës ka në Kriva Pallankë, Kodër të Diellit, Gostivar, Mavrovë, Krushevë, Bukovë, Pletvar, Preseka, Dellçevë, Pavleshnicë dhe Smojmirovë.

Në Dibër ka reshje të kohëpaskohshme të shiut dhe borës. Këto reshje për momentin nuk paraqesin pengesë për të qarkulluar.

LAMM rekomandon vëmendje gjatë vozitjes si dhe respektim të sinjalizimit rrugor.
Në vendkalimet kufitare nuk ka ndalesa të gjatë për hyrje dhe dalje nga shteti. Ky informacion ka të bëj vetëm për anë e Maqedonisë të kufirit.