BPRM: Vazhdon rimëkëmbja e ekonomisë

Banka Popullore e Republikës së Maqedonisë vlerësoi se në tremujorin e fundit vitin e kaluar ekonomia vazhdoi të rimëkëmbet, si pasojë e aktivitetit në industri dhe tregti.

“Deri tani treguesit që janë në dispozicion me frekuentim të lartë për aktivitetin në tremujorin e fundit të vitit të kaluar, në përgjithësi çojnë në rimëkëmbjen e mëtejshme të ekonomisë, pas rënies së aktivitetit ekonomik në gjysmën e parë të vitit të kaluar dhe rimëkëmbje mesatare në tremujorin e tretë, kumtoi pas seancës së sotme Komiteti për politikë operative monetare të Bankës Popullore të Republikës së Maqedonisë, transmeton MIA. 

Në këtë konstatim, sipas BPRM-së, potencojnë të dhënat për aktivitetin në industri dhe në tregti, ndërsa aktiviteti ndërtimor vazhdoi të zvogëlohet. Njëherit, sipas BPRM-së, në kushte më të mira ekonomike në tremujorin e fundit potencojnë edhe treguesit për sentiment ekonomik të subjekteve ekonomike.

Duke i shqyrtuar realizimet më të reja në ekonominë e vendit në kontekst të projeksioneve makroekonomike nga nëntori i vitit të kaluar, Komiteti ka konkluduar se bazat ekonomike janë të shëndosha, pa praninë e paekuilibrimeve në ekonomi. Megjithatë, thekson BPRM, u theksua se ende ekzistojnë segmente ku janë të pranishme rreziqe të caktuara dhe të cilat çojnë në nevojën për përmirësimin e qëndrueshëm të pritjeve dhe besimit të subjekteve ekonomike.

Sipas BPRM, rreziqet rreth inflacionit të projektuar për këtë vit prej dy për qind, vlerësohen si të barazpeshuara.

Në tremujorin e fundit të vitit të kaluar, rezervat devizore kanë shënuar rritje, në kushte të lëvizjeve të volitshme të tregut devizor dhe intervenimeve të BPRM-së me neto-blerje të devizave. Lëvizjet e rezervave në periudhën e fundit janë më të mira se pritjet, e të gjithë treguesit për mjaftueshmërinë e rezervave devizore edhe më tej lëvizin në zonë të sigurtë.

Ndërkaq, zhvillimet depozitare dhe kreditore po lëvizin në pajtim me pritjet.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP