Ka 3 oferta në tavolinë, Ronaldo kërcënon presidentin e Realit për rritje rroge

Kristiano Ronaldo është jo vetëm një kampion, një fenomen i futbollit, por edhe një markë e rëndësishme në botë tashmë, që lidhet jo vetëm me këtë sport, por edhe me marketingun, njofton “Panorama”. Prandaj, thjesht fakti që ai është “Topi i Artë” në fuqi, e ka të vështirë të kapërdijë faktin që Nejmar te PSG-ja (30 milionë euro neto në vit) dhe Lionel Mesi te Barcelona (45 milionë euro në sezon, përfshirë edhe bonuset) të jenë më të paguar se ai.

Media spanjolle ka nënvizuar se ky fakt ka shtyrë tre klube europiane (emrat nuk njihen) që të tentojnë ta joshin “CR7” t’u bashkohet atyre, për të fituar më shumë se 21 milionë eurot aktuale që përfiton te Reali i Madridit. Dhe natyrisht që një si Ronaldo nuk mund të jetë as i dytë dhe aq më i pak i tretë kur bëhet fjalë për lojtarin më të paguar në botë, prandaj ai ka kërcënuar hapur presidentin e Realit, Florentino Perez, që ta paguajë atë sa Nejmar ose Mesi, përndryshe mund t’u thotë lamtumirë madrilenëve.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP