Këto janë masat që i propozon RDM kundër ndotjes së ajrit
Partia RDM, kryetare e të cilës është Liljana Popovska, sot nëpërmjet një kumtese ka kërkuar që të ndërmerren masa urgjente për zvogëlimin e ndotjes së ajrit, që ditëve të fundit është alarmante, njofton Portalb.mk.
“Maqedonia po mbytet në smog me vlera astronomike dhe çdo zvogëlim i ndotjes do të thotë shpëtim të shëndetit dhe jetëve të qytetarëve”, thonë nga RDM.
Më poshtë ua paraqesim kërkesat e RDM-së:
- Miratim të regjimit për vetura çift-tek
- Transport publik falas
- Ndalesë për automjetet e rënda në qytet
- Ndalesë për veturat nën standardin Euro 4
- Mbyllje të vendeve të ndërtimit
- Përgjysmim i prodhimtarisë së objekteve industriale që ndotin
- Mbledhje të rregullt të mbeturinave
- Larje të rregullt të rrugëve
- Inspektorët komunal dhe ata të mjedisit jetësor të rrisin kontrollet inspektuese
- Lirim nga puna e grave shtatzëna dhe personave me sëmundje të frymëmarrjes dhe kardiovaskulare
Masa afatmesme për periudhën 1 deri në 3 muaj:
- Miratim i ligjit për gjelbërim urban i cili është në procedurë kuvendore
- Përcaktim i listës së karburanteve të lejuara në amvisëri dhe industri (me ndalesë për peleta jo-ekologjike me ngjitës)
- Kontroll në terren për respektimin e listës nga ana e inspektorëve komunal dhe të mjedisit jetësor
- Subvencione për ngrohës me peleta, panele diellore për ujë të ngrohtë, izolim të shtëpive
- Subvencione për vendosjen e pajisjeve me gaz në veturat që ndotin
- Subvencione për vetura hibride dhe elektrike
- Rritje të linjave të transportit publik me autobus elektronik
- Furnizim i pajisjes për shkatërrim të mbeturinave biologjike dhe mjekësore në Drislla (që është obligim i koncesionerit)