Britania “nuk do t’i paguajë miliardat e divorcit” nëse s’arrin marrëveshje tregtare me BE-në

Britania e Madhe nuk do ta paguajë faturën e divorcit prej 40-45 miliardë eurosh nëse nuk mundet të arrijë një marrëveshje tregtare me Brukselin, konfirmoi sot ministri britanik i ngarkuar me Brexit, David Davis.

Dy palët arritën të premten një kompromis mbi parimet e zgjidhjes financiare të Brexit në kuadër të një marrëveshjeje mbi kushtet e daljes së Britanisë së Madhe nga BE duke nisur nga fundi i muajit mars 2019 dhe duke i hapur rrugën diskutimeve për marrëdhënien e ardhshme tregtare.

Pyetjes nëse Londra do të paguante faturën e saj në mungesë të një marrëveshjeje tregtare, David Davis u përgjigj për BBC se kjo do të ishte e kushtëzuar nga marrja e një periudhe tranzicioni dhe nga një marrëveshje tregtare, përcjell Atsh.

“Mungesa e marrëveshjes nënkupton se ne nuk do të paguajmë”, nënvizoi ai duke shtuar se mundësitë për Londrën për të lënë BE-në pa një marrëveshje tregtare ishin shumë të pakta.

Në mungesë të një marrëveshjeje tregtare, Britania e Madhe do t’i nënshtrohet rregullave të Organizatës Botërore të Tregtisë (OBT), sinonim i barrierave doganore dhe tarifore.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP