Ish ministri Fatmir Limaj shpallet i pafajshëm
Pas tetë vjetësh procedurë gjyqësore, Gjykata Themelore e Prishtinës e shpalli të pafajshëm në të gjitha pikat e aktakuzës, ish-ministrin e Transportit dhe Telekomunikacionit, Fatmir Limajn.
Limaj dhe të akuzuarit e tjerë në këtë rast, Endrit Shala shef i kabinetit, Naser Krasniqi shef i prokurimit, Shpëtim Telaku pronari i kompanisë “Tali” dhe Florim Zuka shofer i Limajt, janë gjykuar për korrupsion në Ministrinë e Transportit, gjatë kohës sa Limaj ka qenë ministër 2008-2010.
