Thoma Strakosha: Penalltinë e prita se dëgjova babain

Gardiani kuqezi, Thoma Strakosha, djali i legjendës së kombëtares shqiptare Foto Strakosha ka deklaruar se ka qenë pikërisht këshilla e babait të tij ajo që e ka ndihmuar në pritjen e penalltisë në sekondat e fundit të ndeshjes, yllit të Juventusit, Dybala, njofton Top Channel.

Një pritje që i dha Lazios fitoren 1-2 në transfertën mjaft të vëshirë ndaj Juventusit, duke u shkaktuar bardhezinjve edhe humbjen e parë në Serinë A.

“Babi më ka këshilluar gjithmonë, por nuk e kam dëgjuar. Një herë që e dëgjova, më shkoi mirë, sepse i prita penalltinë Dybalas dhe i dhashë fitoren ekipit”, u shpreh Thoma Strakosha për Supersport.

“Nuk mund t’i shpjegoj emocionet që kisha, pas asaj ndeshjeje. Të presësh penallti në sekondat e fundit është diçka fantastike, aq më tepër që morëm edhe fitoren me përmbysje.  Urimet e para i mora direkt nga familja. Aq sa ka bërtitur babai, nuk kam gëzuar as vetë”, u shpreh më tej Strakosha.

I pyetur se sa larg mund të shkojë Lazio këtë vit, Strakosha u shpreh se kanë një grup shumë të mirë dhe beson se mund të bëjnë gjëra të mëdha.

“Lazio pretendon të jetë në 4-5 vendet e para, por po shohim që kemi një ekip mjaft të mirë e të ngulmojmë më tepër”, deklaroi Strakosha.  Pas 8 javësh në Serinë A, Lazio ndodhet në vendin e katërt me 19 pikë, po aq sa Juventusi.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP