Avokati i Popullit: Linja telefonike për shkelje të të drejtës zgjedhore

Të dielën më 15 tetor, në ditën e mbajtjes së raundit të parë të Zgjedhjeve lokale 2017, të gjitha shtatë zyrat e Avokatit të Popullit në Shkup, Manastir, Kërçovë, Kumanovë, Strumicë, Tetovë dhe Shtip, prej orës 7:00 e deri në orën 19:00 do të jenë të hapura për qytetarët, me qëllim që t’u ndihmohet në realizimin dhe mbrotjen e të drejtave të tyre.

Përveç personalisht në zyrat qytetarët parregullsitë zgjedhore mund t’i denoncojnë edhe në numrat e telefonave në zyrën në Shkup 02 3129-327 dhe 3129-367, në Manastir në 047 242-310, në Kërçovë në 045 228-586, në Kumanovë në 031 431-488, në Strumicë në 034 329-996, në Tetovë në 044 344-082 dhe në Shtip në 032 389-701.

Avokati i Popullit Ixhet Memeti në kumtesën e sotme e thekson rëndësinë e respektimit të të drejtës së shprehjes së lirë të vullnetit të qytetarëve, si një ndër të drejtat njerëzore fundamentale, që kontribuon për krijimin e institucioneve demokratike dhe funksionale për një shoqëri të shëndoshë demokratike.

Në këtë drejtim, Avokati i Popullit apelon deri të të gjithë, ndërsa veçanërisht deri te organet kompetente, në suaza të mundësive dhe kompetencave të tyre të kontribuojnë për zbatimin e zgjedhjeve në të cilat votimi do të zhvillohet lirshëm dhe pa pengesë, në pajtim me ligjin dhe në mënyrë konsekuente do të respektohen të drejtat e njeriut.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

rolex replica paypal patek philippe
VERZIONI DESKTOP