Shpallet epidemi e kufizuar e fruthit në Gazi Babë të Shkupit

Komisioni për sëmundje ngjitëse në Ministrinë e shëndetësisë shpalli epidemi të kufizuar të fruthit në territorin e komunës së Gazi Babës, pasi që pesë persona me simptome të fruthit janë pranuar në Klinikën për sëmundje infektive dhe u dëshmua se bëhet fjalë për reaksione të fruthit.

Nga komisioni informojnë se pacientët janë në gjendje stabile dhe të mirë në përgjithësi.

Ministria e shëndetësisë ne bashkëpunim me Qendrën për shëndet publik në Shkup dhe Institucion për shëndet publik morën aktivitete, mes të cilave edhe vaksinimi i të gjithë personave nga 6 deri në 60 vjet, nëse nuk janë vaksinuar, në territorin e komunës së lartpërmendur.

Gjithashtu u paralajmërua se do të bëhet mbikëqyrje e shtuar e statusit së vaksinave dhe do të bëhet imunizimi i gjithë territorit të Qytetit të Shkupit. Janë duke u përgatitur fletushka promovuese për fruthin deri tek mjekët ame, kopshtet dhe shkollat dhe të njëjtat do të publikohen edhe në ueb faqet e tyre.

Nga Komisioni këshillojnë që në institucionet shëndetësore duhet të respektohet regjimi i vizitës, në përputhje me vendimet e brendshme të institucionit, të merren masa intensive për parandalimin e përhapjes dhe përforcimin e masave të dezinfektimit dhe kontrollit në institucionet arsimore ku mësojnë fëmijët.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP