Greqi, dy shqiptarë qëllohen me armë në Athinë
Dy shqiptarë janë qëlluar me armë mbrëmjen e së martës (19 shtator) në lagjen Kalithea të Athinës.
Mediat greke shkruajnë se dy të plagosurit janë shqiptarë të moshës 17 dhe 27 vjeç të cilët janë dërguar në spital.
17 vjeçari është plagosur në këmbë dhe në bark ndërsa 27 vjeçari në dorë, shkruan sot ekathimerini.gr, njofton Ora News.
Policia ka mbledhur në vendngjarje 6 gëzhoja. Nisin hetimet për të zbardhur motivet dhe autorët.
