Gruevski: Ligji për gjuhën shqipe është jo-kushtetues (VIDEO)

Lideri i VMRO-DPMNE-së, Nikolla Gruevski, pas 9 viteve mbrëmë ka qenë mysafir i një televizioni shqiptar, gjegjësisht Alsat M, njofton Portalb.mk.

Në intervistën e emisionit “200”, Gruevski theksoi se VMRO-DPMNE nuk është kundër shqiptarëve, megjithatë ligji për gjuhët i propozuar nga shumica parlamentare është jo-kushtetues.

“VMRO-DPMNE nuk ka kurrgjë kundër shfrytëzimin e gjuhëve të të gjitha bashkësive etnike, përfshirë edhe shqiptarët. Në fakt ne në vitin 2008 kur ishim në pushtet, miratuam ligj për përdorimin e gjuhëve, por ajo që ne nuk pajtohemi është që të mos miratohet ligje që do të jetë jo-kushtetues dhe i cili më pas mund të rrëzohet nga Gjykata Kushtetuese. Në fakt, nga ajo që mund ta shohim në këtë periudhë LSDM dhe Zoran Zaev shkojnë në atë kartë që përpara zgjedhjeve lokale të ofrojnë ligj për gjuhën shqipe me të cilën do të zmadhohen të drejtat, në mënyrë që do të jetë kundër kushtetues dhe me atë planifikojnë që pas zgjedhjeve lokale, pasi t’ua marrin votat shqiptarëve të njëjtin ligj ta korrigjojnë, pasi Gjykata Kushtetuese ta hedh poshtë. Kjo nuk është korrekte ndaj shqiptarëve”, theksoi Gruevski.

Ai gjithashtu tha se tani për tani faza e këtij ligji të propozuar nga shumica parlamentare është jo-kushtetues dhe se nëse faza e dytë është kushtetuese ne si parti do ta përkrahim këtë ligj për gjuhët.

Për të ndjekur intervistën shihni videon e mëposhtme:

One thought on “Gruevski: Ligji për gjuhën shqipe është jo-kushtetues (VIDEO)

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP