Investitorët të shqetësuar nga data e lëshimit në treg të iPhone X

Aksionet e kompanisë Apple kanë shënuar rënie të mërkurën si pasojë e shqetësimeve që kanë shfaqur investitorët, për atë se si vallë konsumatorët do ta pranojnë daljen e telefonit të ri, raporton Anadolu Agency (AA).

Aksionet e Apple u mbyllën ditën e mërkurë me një çmim prej 159.65 dollarë, që është një rënie prej 0.75 për qind nga një ditë më parë, në të cilën u prezantua dalja në treg e iPhone X, (iPhone 10) dhe iPhone 8.

Drejtori Gjeneral i Apple, Tim Cook e quajti telefonin iPhone X, “e ardhmja e telefonit të mençur”. Telefoni nuk ka butona dhe ka një ekran që shtrihet nga fundi në fund.

Kritikat e para janë pozitive, por siç duket, shqetësimet e investitorëve kanë të bëjnë me datën e daljes në treg, pasi iPhone X nuk do të dalë para datës 3 nëntor, atëherë kur është paraparë dalja në shitje në mbi 50 shtete.

Gjatë 10 viteve të fundit, shumica e iPhonëve ishtë në dispozicion në fund të shtatorit ose në fillim të tetorit. Analistët vunë në dukje se data e lëshimit të iPhone X mund të ndikojë negativisht në shitjet në tremujorin e bujshëm fiskal gjatë pushimeve.

Disa hulumtues të tregut siç është KGI Securities, tha këtë javë se teknologjitë inovative të nevojshëm për iPhone X kanë shkaktuar vonesë në zinxhirin e furnizimeve të Apple.

Apple nuk i është përgjigjur kërkesës së AA për sqarim përse iPhone X do të dalë në treg në nëntor.

Me një çmim fillestar prej 999 dollarësh për një version 64 gigabajt, iPhone X është iPhone-i më i shtrenjtë ndonjëherë.

“Ishim pozitivisht të befasuar nga funksionaliteti i Apple Watch dhe nga rritja e çmimeve të iPhone 8 dhe 8 Plus, por u zhgënjyen nga mungesa e rritjes së funksionalitetit të iPhone X për të justifikuar çmimin prej 999 dollarë”, tha Andy Hargreaves, një analist në KeyBlanc Capital Markets.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP