Marcelo do të firmosë kontratë pesëvjeçare me Real Madridin

 Klubi futbollistik Real Madrid dhe braziliani Marcelo (29) kanë rënë dakord të vazhdojnë bashkëpunimin edhe për pesë vite. Kjo do të thotë se futbollisti i kombëtares braziliane do të qëndrojë të “Mbretërit” deri në vitin 2022, raporton Anadolu Agency (AA).

Klubi i Madridit njoftoi se Marcelo do të nënshkruajë një kontratë të re nesër pasdite.

Më herët sot, Federata Spanjole e Futbollit njoftoi se Marcelo do të duhet të pushojë në dy ndeshjet e radhës në La Liga për shkak të kartonit të kuq që e mori në xhiron e fundit në barazimin 1-1 kundër Levantes.

Reali ka një fillim të keq të sezonit meqë në tre xhirot e para ka regjistruar një fitore dhe dy barazime, dhe aktualisht zë vendin e shtatë në tabelë me vetëm pesë pikë.

“Klubi Mbretëror” sonte fillon garat e sivjeme në Ligën e Kampionëve ku synon titullin e tretë radhazi në garën më elitare të klubeve në Evropë. Në Santiago Bernabeu, në kuadër të grupit “H“, Reali është nikoqir i APOEL-it nga Qipro.

Marcelo arriti në Real në vitin 2007 nga Fluminense e Brazilit. Që atëherë ai ka luajtur 414 ndeshje në fanellën e bardhë dhe ka shënuar 28 gola.

 

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP