Konkursi për anëtarin e KSHZ-së në seancën e 15-të kuvendore

Propozim vendimi për shpalljen e konkursit publik për zgjedhjen e anëtarit të Komisionit Shtetëror të Zgjedhjeve (KSHZ), të parashtruar nga deputetët Afrim Gashi, Tomisllav Tuntev dhe Ejup Alimi, sot do të jetë në rend dite të seancës së 15-të kuvendore. Në rend dite të kësaj seance është edhe Propozim ligji për përdorimin e gjuhëve, në lexim të parë.

Ndryshimet dhe plotësimet e Kodit Zgjedhor janë sjellë të hënën dhe me to parashikohet deri në zgjedhjet lokale të caktuara për më 15 tetor të miratohet përbërja e Komisionit Shtetëror të Zgjedhjeve (KSHZ) me përbërjen e Kuvendit pas zgjedhjeve të fundit për deputetë. Duke i pas parasysh rezultatet nga zgjedhjet e fundit parlamentare anëtar të ri të KSHZ-së duhet të ketë Lëvizja BESA, e cila fitoi pesë mandate të deputetëve, ndërsa duhet të shkarkohet Bedredin Ibrahimi i cili u propozua nga PDSH-ja.

Kuvendi e shpalli zgjedhjen e anëtarit të KSHZ-së në “Gazetën Zyrtare të Republikës së Maqedonisë” dhe në shtypin ditor. Konkursi zgjat pesë ditë nga dita e shpalljes në “Gazetën Zyrtare të Republikës së Maqedonisë”.

Kryetari i Kuvendit e njofton partinë politike në opozitë, në afat prej 24 orëve nga pranimi i njoftimit për kandidatët e paraqitur në konkurs, t’i dorëzojnë propozim për anëtar të KSHZ-së. Propozimin e dorëzuar, Komisioni për çështje të zgjedhjeve dhe emërimeve e konfirmon dhe menjëherë e dorëzon deri te Kuvendi i Republikës së Maqedonisë.
Anëtarët e KSHZ-së, Kuvendi i zgjedh me dy të tretat e votave nga numri i përgjithshëm i deputetëve.

Ndryshimet e Kodit Zgjedhor për ndryshim të përbërjes së KSHZ-së u propozuan sipas marrëveshjes së arritur politike midis partive parlamentare.

Në këtë seancë duhet të shqyrtohet edhe Propozim ligji për lëshimin e bono-vauçerëve me vlerë, në lexim të parë të parashtruar nga deputetët e opozitës.

Deputetët do të debatojnë edhe për interpelancën për punën e ministrave të Financave, të Kulturës dhe të Mjedisit Jetësor dhe Planifikimit Hapësinor, Dragan Tevdovski, Robert Alagjozovski dhe Sadulla Duraku, të parashtruara nga opozita.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP