Gjykata Supreme e SHBA-së e lejoi ndalesën për hyrjen e refugjatëve

Gjykata Supreme amerikane i lejoi presidentit Donald Tramp të vendos ndalesë për hyrjen e refugjatëve nga tërë bota në SHBA.

Gjykata Supreme e SHBA-së e pranoi ankesën e Administratës së Trampit për vendimin e Gjykatës Federale të Apelit e cila, sipas Ministrisë së Drejtësisë, do të mundësonte para fundit të tetorit në SHBA të hyjnë rreth 24.000 refugjatë.

Megjithatë, ky nuk është vendimi përfundimtar i Gjykatës Supreme të SHBA-së në lidhje me çështjen për politikën për refugjatët.

Gjykata, më 10 tetor do t’i dëgjojë argumentet për ligjshmërinë e ndalesës për hyrje në SHBA të qytetarëve nga gjashtë vende kryesisht myslimane, si dhe refugjatë nga e tërë bota.

Ende nuk është e qartë për çka saktë duhet të vendosë Gjykata, sepse ndalesa për qytetarët e gjashtë vendeve myslimane, që u vendos në 90 ditë, skadon nga fundi i muajit, ndërsa vlefshmëria e ndalesës për hyrje të refugjatëve do të ndalojë për një muaj. 

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP