Britani, asnjë trajtim special në shkollë për Princin George

Stërnipi i Mbretëreshës Elizabeth II dhe i treti në radhë për fronin britanik hodhi hapat e tij të parë në klasën e re. Por mesazhi i parë që erdhi nga shkolla është se, ai nuk do të ketë asnjë trajtim special.

George, 4-vjeçar, u shoqërua nga babai i tij ditën e parë të shkollës, nga Pallati “Kensington” në shkollën “Thomas Battersea”, në jugperëndim të Londrës.

Nëna e tij Kate Middleton qëndroi në shtëpi, ndërsa pret fëmijën e saj të tretë. George dukej mjaft nervoz, ndërsa u prit nga drejtoresha e kopshtit Helen Haslem, e cila bashkë me babain e tij e shoqëruan te klasa e re.

“Qëllimi ynë për Princin dhe nxënësit e tjerë është të garantojmë një ambient të sigurtë e të lumtur. Këtu do të përqëndrohen përpjekjet tona dhe iu siguroj se për Princin nuk do të ketë asnjë trajtim special”, tha Ben Thomas, drejtori i shkollës.

Mbase trajtimi garantohet nga shifra prej thuajse 18 mijë stërlinash në vit, që çdo nxënës paguan për të qenë në këtë shkollë, e cila thotë se rregulli i saj më i rëndësishëm është që të jesh i sjellshëm.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP