“Drone gate”, “Ballisti” drejt Beogradit?

Gjykata e lartë e Kroacisë refuzoi apelin e Ismail Morinës kundër ekstradimit në Serbi, ku ai kërkohet për fluturimin e famshëm të dronit mbi stadium, kur luhej ndeshja Serbi-Shqipëri, gjest që rezultoi me dhunën në fushë dhe ndërprerjen e ndeshjes, transmeton Top Channel. 

Në një komunikatë për shtyp të publikuar të martën, gjykata tha se apeli i Morinës u refuzua, pasi kërkesa e tij nuk kishte asnjë bazë ligjore. Ismail Morina u arrestua në qershor në Kroaci, sipas një mandatarresti serb.

Ai pretendon se nuk do t’i bëhet një gjyq i drejtë në Serbi dhe kërkoi azil politik në Kroaci për të shmangur ekstradimin. Por duket se, Gjykata e Lartë e Kroacisë e ka vlerësuar situatën njësoj si ajo e Shkallës së Parë, e cila në gusht vendosi që Morina duhej ekstraduar në Serbi.

Çështja e Morinës ka vënë në punë ndjeshëm diplomacinë rajonale, sidomos autoritetet e Tiranës zyrtare, të cilat kanë kontaktuar disa herë me homologët kroatë për t’u kërkuar që të mos lejojnë ekstradimin e Morinës në Serbi.

Sidomos pas kërcënimeve të fundit që Morina ka marrë nga kriminelë serbë, nëse përfundon në burgjet e Serbisë, duket se Tiranës do t’i duhet të vazhdojë përpjekjet e saj, pasi vendimi final për fatin e Ismail Morinës është në dorën e Drazen Bosnjakoviç, ministrit kroat të Drejtësisë.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP