Boshkovski: Kjo garniturë e VMRO-DPMNE-së përfundimisht shkon në histori
Lideri i partisë Të Bashkuar për Maqedoni, Lube Boshkovski, nga Meçkin Kameni duke uruar festën e Ilindenit ka porositur se është koha që të tejkalohet konflikti në shoqëri mes qytetarëve, njofton Portalb.mk.
Ai për thirrjen e VMRO-DPMNE-së që të mos marrin pjesë në festën në Meçkin Kamen tha se disa politikan duan që të krijojnë gjendje konflikti në Maqedoni, por se qytetarëve u duhet liri dhe paqe.
“Ajo edhe një herë e konfirmon se për çfarë strukture politike bëhet fjalë, për strukturë e cila përfundimisht shkon nga skena politike e Maqedonisë, shpresoj që të mos kthehet. Ne të gjithë kemi pasur periudha krize, por jemi kthyer në politikë. Mendoj se kjo garniturë politike e VMRO-DPMNE-së shkon në histori, mendoj se anëtarësia në partinë në të cilën isha plot 19 vite, po lirohet dhe ngadalë besoj se në Ilindenin e vitit 2018 do të jemi të gjithë bashkë, vmro-istë të vërtetë në vendin e vërtetë këtu në Meçkin Kamen”, tha Boshkovski.
Ai paralajmëroi se në zgjedhjet loakle do të marrë pjesë bashkë me Stojançe Angellovkin dhe Lubço Georgievskin me koalicionin “VMRO për Maqedoninë”.