Burri shqiptar ‘çmendet’ nga xhelozia, plagos me thikë dhe djeg me acid gruan
Një ngjarje e rëndë tronditi dje Italinë, ku një burrë shqiptar pas një sherri sulmoi me thikë gruan e tij dhe më pas i hodhi acid. Krimi u regjistrua në një apartament të një ndërtese në Salinatore të Forlì-s.
‘Ansa’ shkruan se pas krimit, burri u arratis me makinë bashkë me dy fëmijët. Mesohet se 37-vjeçarja nga Shqipëria, u dërgua në spital, ndërsa ndodhet jashtë rrezikut për jetën pasi mori plagë dhe djegie.
Burri nga Kosova është shpallur në kërkim nga policia italiane. Kanë qenë fqinjët e çiftit ata që ndërhyn në kohë, pasi kanë dëgjuar ulërimat e gruas, ndërsa i kanë ardhur në ndihmë për t’i pastruar lëkurën që ishte djegur nga acidi.
Ndonëse ata janë përpjekur të ndalojnë autorin, ai është larguar bashkë me dy fëmijët. Nga hetimet e deritanishme të policisë, dyshohet se ngjarja ka ndodhur për motive xhelozie. Sakaq, policia po heton lidhur me zbardhjen e shkaqeve të ngjarjes.
