Tramp propozoi ministër të ri të Forcave Tokësore
Shtëpia e Bardhë njoftoi se presidenti amerikan Donald Tramp do ta nominojë Mark Esper për ministër të Armatës (Forcave Tokësore), transmetuan mediat amerikane.
Esper është ish-nënkryetar i gjigantit ushtarak-industrial “Rejteon”, ndërsa ka punuar edhe për trustin konservativ “Heritixh faundejshën”.
Gjetja e kandidatit për këtë funksion u tregua si detyrë tejet e vështirë për presidentin Tramp. Propozimet e tij paraprake për ministër i Armatës ishin investitori-miliarder Uinsent Viola, si dhe senatori nga senati lokal i shteti Tenesi, Mark Grin. I pari u tërhoq nga kandidatura për shkak të konfliktit të mundshëm midis interesave të tij private dhe shtetërore, ndërsa i dyti pas kritikave të ashpra kundër tij për deklaratat lidhur me minoritetet seksuale, islamin dhe territorin për evolucion.
Ministria e Armatës ndodhet në përbërjen e Pentagonit. Njeriu i parë i kësaj Ministrie është përgjegjës për sigurimin material-teknik të ushtarëve tokësorë amerikanë, ndërsa gjithashtu, edhe për resurset njerëzore dhe materiale, që ndodhen në përbërjen e tyre.
Këtë nominim duhet ta aprovojë Senati amerikan.
