Hulumtim: Institucionet ua lidhin duart gazetarëve kur informojnë për paraburgimin (VIDEO)

Mbyllja e institucioneve është një nga problemet më të mëdha me të cilat përballen gazetarët në Maqedoni. Problem madhor është edhe marrja e informatave zyrtare nga institucionet shtetërore. Përpjekjet gazetareske për kontakt me funksionarët dhe institucionet e caktuara shpesh herë përfundon me zbatimin e ligjit për qasje deri tek informatat me karakter publik. Zbatimi i këtij ligji dhe obligimi i institucioneve që të japin përgjigje nuk respektohen gjithmonë.

Videoja hulumtuese me tre pjesë është për masën e paraburgimit dhe për problemet me të cilat përballen gazetarët gjatë të kërkuarit të informatave zyrtare nga institucionet shtetërore.

Problemet e gazetarëve i testuam nëpërmjet “studimit të rastit”.

 

Pjesa e parë: Sistemi gjyqësor është më i mbylluri për gazetarët

Sistemi gjyqësor është njëri prej segmenteve që konsiderohet si “më i mbylluri”. Të gjitha përpjekjet për realizim të kontaktit të drejtpërdrejtë me prokuror dhe gjykatës, të cilët do të flisnin para kamerave dhe në mënyrë të detajuar do të informonin për zbatimin e masës së paraburgimit përfunduan në udhëzim që të drejtohemi në sektorin për marrëdhënie me publikun. Për temën, u konsultuan gjykatës dhe prokuror të mëhershëm dhe autor të “Doracaku për zbatim të masës së paraburgimit”. Kolegët gazetarë folën për problemet e tyre.

Pjesa e dytë: Trajtim i ndryshëm i PSP-së dhe prokurorive të tjera

Ekspertët folën për zbatimin e masës së paraburgimit, por edhe pa hamendje i shprehën pikëpamjet e tare për trajtimin e ndryshëm nga ana e gjykatësve ndaj Prokurorisë Speciale Publike (PSP) dhe prokurorive tjera. Akademia e gjykatësve dhe e prokurorëve publik kanë publikuar “Doracak për masën e paraburgimit në procedurën penale dhe praktika gjyqësore në Gjykatën Evropiane për të Drejtat e Njeriut”. Ne, pas 10 javë pritjeje për një dokument me pyetje, më në fund morëm përgjigje me të dhëna. Kolegët gazetar u pyetën për: masën e paraburgimit dhe për atë se si të marrin informata zyrtare.

 Pjesa e tretë: Të dhënat te gazetarët arrijnë pas një pritjeje të gjatë

Të dhënat e grumbulluara për të kërkuar masën e paraburgimit më vitin 2016 prej prokurorive të Shkupit dhe për atë se çfarë vendime ka miratuar Gjykata Themelore Shkupi 1 do të jenë temë trajtimi i ekspertëve juridik në të ardhmen, kurse ne ngelemi tek pjesëmarrësit e kësaj videoje nga ku shikuesit vetë do të arrijnë të gjejnë përfundimin. Pengesat e gazetarëve dhe tejkalimi i tyre ngelen probleme që duhet të zgjidhen në të ardhmen.

Dëshmitë e gazetarëve për “çmimin” e punës në storjet hulumtuese

Për gjurmimin pas informatave, pengesat me të cilat përballen çdo ditë dhe për atë se cili është “çmimi” i punës në storjet hulumtuese, folën gazetarët Tomisllav Kezharovski, Sashka Cvetkovska, Zhaklina Haxhi-Zafirova dhe Xhelal Neziri.

Dëshmitë e tyre gjenden në këtë video-incizim:

 

Storja është përgatitur në kuadër të projektit “gazetari hulumtuese, roje e demokracisë dhe të drejtave të njeriut” nën përkrahje financiare nga Bashkimi Evropian (BE) dhe Ambasada e Britanisë së Madhe në Shkup e zbatuar nga Qendra për Menaxhim me Ndryshime dhe Instituti për të Drejtat e Njeriut. Përmbajtja e storjes hulumtuese nuk shpreh edhe pikëpamjet dhe qëndrimet e organizatave të cilat e realizuan projektin.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP