Osmani komenton Lëvizjen BESA thotë se ka ikur prej gjithçkaje që ishte dakorduar
Kandidati për zv/kryeministër për çështje evropiane Bujar Osmani në emisionin Zig –zag në Art Channel ka thënë se Deklarata e përbashkët kishte qëlimin e konsensusit ndërshqiptarë dhe ishte ideja se vetëm debati mund të pengojë paragjykimin e fenomeneve.
Për fat të keq, siç shton ai, “Lëvizja BESA iku prej gjithçkaje që ishte dakorduar paraprakisht edhe nga Deklarata e përbashkët, votimi i kryeparlamentarit dhe tani edhe nga qeveria”.
“Është e tyre të shpjegojnë për këto amplituda të qëndrimeve. BDI nëse është vlerësuar për shqiptarët në 10 ciklet zgjedhore është konzistenca e saj. Ali Ahmeti të njëjtat qëndrime i ka pasur më 2002, të njëjtat i ka edhe tani”, ka thënë Osmani, transmeton Aktuale.mk.
