Nikolla Popovski i VMRO-së komenton “Shqipërinë e Madhe”

Zgjedhjet lokale në Maqedoni do të tregojnë se si është opinioni publik. VMRO-DPMNE-ja fitoi zgjedhjet në dhjetor të vitit të kaluar, ndërsa LSDM-ja formoi një shumicë në parlament. Kjo është e qartë. Unë nuk pajtohem me atë se LSDM-ja arriti që të fitojë në dhjetor, ka thënë ministri i jashtëm në largim, Nikola Poposki, për agjencinë greke IBNA.

“Në vendin tonë kemi pasur një atmosferë tejet të polarizuar. VMRO-DPMNE-ja ka qenë seriozisht e shqetësuar për shkak të paraqitjes së elementeve të reja, për të cilat nuk i ishin në dijeni qytetarët në kohën e ciklit zgjedhor. Vendimet që më vonë u miratuan në Kuvend kanë ndikuar në opinionin publik. Nuk dua që të paragjykoj, por zgjedhjet lokale do të tregojnë se se si janë efektet e vendimeve në njërën apo anën tjetër të mendimit publik”, thotë Popovski duke shtuar se partia e tij mbetet në qëndrimin se opsioni më i mirë është që së bashku me zgjedhjet lokale të mbahen edhe ato parlamentare për t’ju dhënë shans që qytetarët ta shprehin mendimin e tyre.

I pyetur nëse çështja e emrit shtyn njerëzit drejt nacionalizmit, Poposki thotë se “ndjenjat tona kombëtare janë të lënduar me kërkesat që nuk i janë adresuar ndonjë vendi tjetër dhe normale dhe e pashmangshme është që një situatë e tillë të ketë ndikim të madh mbi të gjithë neve”.

Në lidhje me përmendjen e “Shqipërisë së Madhe”, ai deklaroi se kjo nuk është rruga e vërtetë që na shpie përpara, sepse ndryshimi i kufijve në të kaluarën ka sjellë vetëm punë të këqija, viktima të pafajshme dhe pasoja të frikshme.

“Unë mendoj se e vetmja rrugë që i çon përpara vendet është ajo e futjes në BE me kufijtë ekzistues, kurse tensionet të zvoglohen duke u fokusuar në punët e vërteta me të cilat ballafaqohet rajoni e këto janë zhvillim ekonomik dhe hapje të vendeve të reja të punës”, ka thënë Popovski.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP