“Makineria e rëndë”. Ronaldo, 13 gola në një muaj

Cristiano Ronaldo, që do të jetë i pranishëm në finalen e madhe të Champions League, muajin tjetër në Kardif, është versioni më i mirë ndonjëherë i “bomberit” portugez të konvertuar në një shënues race, shkruan Top Channel.

Tifozët e Juventusit kanë nisur të frikësohen nga ritmi mbresëlënës i “Topit të Artë”, të cilin do ta kenë përballë më 3 qershor në “Millennium Stadium”.

Pas një nisjeje të komplikuar të sezonit, Cristiano Ronaldo e mori shpejt rolin vendimtar, me një muaj fantastik që është vendimtar edhe për Realin e Madridit.

Me dy gola këtë mesjavë, në ndeshjen ndaj Celta Vigos që krijoi një hendek komod në renditjen e La Ligës, portugezi ka sigluar në total deri më tani 13 gola në harkun e një muaji, madje mes viktimave janë ekipe si Bayern apo Atletico.

Nëse Zinedine Zidane ka mbërritur në këtë pikë të sezonit pranë dy titujve prestigjiozë, për shumë prej arritjeve i detyrohet fenomenit luzitan, që në momente kyçe ka bërë atë që di më mirë, të shënojë gola.

Në stadiumin “Balaidos” në qytetin Vigo ishte vetëm një nga shenjat e shumta. I njëjti fat në portat kundërshtare ishte verifikuar ndaj Sevillas apo Valencias. Por nëse në La Liga, golat po e afrojnë Realin me titullin, në Champions, firma e tij është edhe më e dukshme.

Mbetet “qershia mbi tortë” për tifozët e “Los Blancos”, finalja e madhe e Kardifit.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP