Për 1 Maj në Europën e pasur protesohet, ndërsa në Maqedoni po festohet!

Jakup Veseli

Jakup Veseli

Pasi kudo në Europë edhe pse me rroga shumë më të majme se në Ballkan po protesohet, ndërsa në Maqedoni po festohet, vlen të theksohet fakti i emigrimit për shkak të papunësisë si faktor kyç i largimit të qytetarëve prej Maqedonisë.

Sipas një hulumtimi të kryer nga fondacioni Friedrich Ebert ku në Maqedoni papunësia arrin në 52.9 %.

Poashtu vlen të theksohet se sipas ekonomistëve një indikator që të rinjtë largohen nga vendi është edhe mungesa e krahut të punës sidomos tek ata të moshës 15-24 vjeçare dhe ato të moshës 25-49 vjeçe, që tregojnë statistikat e vitit 2015 se numri i personave prej 15 deri 24 vjeç u ul për 2.412 ndërsa i atyre prej 25-49 vjeç u ul për 10.136 %.

Gjithashtu argumentat që për 1 Maj duhet të protestohet e jo të festohet i argumenton hulumtimii rajonal i Heltgruper, ku ajo që bie në sy është edhe largimi i madh i mjekëve ku profesioni i mjekut nga Maqedonia është më i prekuri me 1.780 doktor të larguar nga vendi në periudhën 2012-2015. Ndërsa, befasi është edhe largimi i etnitetit maqedonas ku përveç pjesës së Maqedonisë veri-perëndimore ka filluar edhe zbrazja e Maqedonisë Lindore të banuara me shumicë maqedone, ku gati gjysma e këtyre grupmoshave të cekura më lartë kanë marrë pasaporta bullgare.

Duke pasur parasysh edhe largimin e mjekëve automatikisht dobësimin e kuadrove, një pjesë e konsiderueshme e popullatës largohet nga vendi për siguri shëndetësore personale dhe të fëmijëve të tyre, si, por faktor më evident është kërkimi i mirëqenies sociale dhe organizimi i jetës sipas parametrave europiane, ku me anë të raportimit mediatik Europa është bërë sinonim i lumturisë, njejtë siç u bë Italia për shqiptarët në vitet e 90-ta me anë të kanaleve Rai 1 dhe 2 burim i lumturisë, e cila pas rënies së regjimit në 97-tën i kushtoi shumë Shqipërisë duke u mbytur me mijëra vet në ujërat shqiptaro-italiane.

Kështuqë, automatikisht lind pyetja për ç`farë suksesi në ditën e 1 Majit festojnë shqiptarët, kur po atë ditë protestojnë europianët?

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP