Çfarë po bën në të vërtetë Google, me të dhënat tona?

Si mund të bësh dikë, që të heqë dorë nga mbrojtja e sekreteve të veta, më intime? Në një laborator kërkimor klandestin të Google në jug të San Franciskos, me emrin e koduar “GWC7”, ka nga ata që mendojnë se e kanë një përgjigje: duke i ofruar një personi, një jetë të gjatë e të shëndetshme.

Për këtë qëllim, studiuesit në GWC7 kanë zhvilluar një teknikë që mundëson pikasjen e problemeve në trup, dhe trajtimin e tyre, para se të shndërrohen në problem. E vetmja gjë Google kërkon për këtë, është informacioni gjithnjë e më i ndjeshëm për njerëzit: të dhënat e tyre shëndetësore.

Dhe për këtë arsye, GWC7 kërkon të depërtojë në kokat tona. Jo vetëm figurativisht, por edhe fizikisht. Google dëshiron të hyjë në kockat, muskujt, venat – çdo qelizë tonën. Përmes nanomakinave! Ato janë 2,000 herë më të vogla se një qelizë gjaku, dhe më rezistente se çdo virus. Nëse detektorët e vegjël dallojnë një mosfunksionim, ata raportojnë menjëherë tek një transmetuesi vendosur përreth dorës. Dhe ky transmetues, informacionin që është mbledhur e dërgon në qendrat e të dhënave të GëC7, ku një program diagnostikues është gjithmonë aktiv. A mundet që një sistem i tillë të të shpëtojë jetën? Pa dyshim! Vetë Google llogarit rreth 100,000 jetë të shpëtuara në vit.

Prapëseprapë, ekspertët janë kritikë për projektin; në fund të fundit, kush garanton që të dhënat e depozituara nuk do të keqpërdoren? Historiani mjekësor Paul Unschuld paralajmëron të bëhet kujdes nga agjencitë që kërkojnë të blejnë këto lloje informacionesh. Ai është i shqetësuar se në të ardhmen, suksesi i atyre që kërkojnë siguracion, marrin qera një apartament, apo edhe gjejnë një vend pune, mund të varet prej këtyre vlerësimeve. Aktualisht, e sigurtë është që: nëse nanorobotët nisin të patrullojnë trupat tanë dhe vetëm GWC7 jep llogari, kjo po e fut njerëzimin në një epokë krejt të re. /bota.al

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP