Policia serbe i arrestoi 200 emigrantë në afërsi të kufirit me Kroacinë

Policia serbe arrestoi 200 emigrantë, të cilët janë zbuluar në rajonin Shid në afërsi të kufirit me Kroacinë, njofton edicioni elektronik i gazetës së Beogradit “Blic”.

Sipas gazetës, pjesa më e madhe e migrantëve në mënyrë ilegale kanë qëndruar në territorin e Serbisë, ndërsa të tjerët janë regjistruar në qendrën për pranimin e refugjatëve në Shid.

Kryebashkiaku i Shidit, Predrag Vukoviq informoi se emigrantët janë zbuluar natën e kaluar në disa fusha në rrethin e Shidit. Nga numri i përgjithshëm i emigrantëve të arrestuar, 1810 me autobusë janë transportuar në qendrën për pranimin e refugjatëve në Preshevë, në afërsi të kufirit me Maqedoninë, ndërsa 20 të tjerët kanë dalë para organeve të jurisprudencës.

Vukoviq shtoi se Këshilli komunal i Shidit tashmë ka shtruar kërkesë për mbylljen e qendrës belge në qytet, për arsye se kapaciteti i tij është për pranimin e 200 personave, ndërsa atje për momentin janë vendosur rreth 500 emigrantë.

“Blic” thekson se fati i qendrës së refugjatëve në Shid do të zgjidhet në disa ditët në vijim, me ç’rast janë duke u shqyrtuar dy mundësi. E para ai të mbyllet në tërësi, siç kërkon Këshilli komunal, ndërsa i dyti në të të mbeten vetëm edhe 100 persona, para së gjithash gra, fëmijë dhe të sëmurë, ndërsa të tjerët të transferohen në qendra të tjera për refugjatë.