Fatmir Besimi: Ndjej përgjegjësi për procesin në të cilin ndodhet Maqedonia (VIDEO)

Ish zëvendës kryeministri për eurointegrime, Fatmir Besimi, gjatë emisionit “200” në Alsat M i është përgjigjur pyetjes, “nëse ndonjëherë i vjen zor për faktin që ka qenë pjesë e një qeverie, me njerëz, me zyrtarë që janë kaq jo demokratik”.

“Pjesëmarrja në Qeveri është sfidë dhe ajo e cila është me rëndësi, është domethënë pjesa e ndërgjegjes të cilën e mbajmë ne si qytetarë. Të jesh pjesë e një qeverie, apo të mbash një post publik, përgjegjësia është edhe një herë më e madhe se sa të veprosh vetëm si një qytetar. Dhe, këtu mund të them normalisht për gjithë atë periudhë, edhe personalisht ndjej përgjegjësi për procesin në të cilin ndodhet Maqedonia. Po nëse e marrim ne personalisht në çdo rresht të progresit të raportit, kush cili resor çfarë ka bërë”, është përgjigjur Besimi.