LSDM: Ja çfarë ju garanton Programi i qeverisë së re reformuese

Programi i qeverisë së re reformuese i garanton unitetin e Maqedonisë dhe qeverisjen e së drejtës dhe sjell masa për problemet e vërteta të qytetarëve, reagoi LSDM në kumtesën e VRMRO-DPMNE-së.

“Ky dokument është i qsshëm për të gjithë edhe për opinionin vendor edhe për atë ndërkombëtar, përveç për Nikolla Gruevskin dhe bashkëpunëtorët të cilëve nuk u përgjigjet pasi duan ta thellojnë krizën politike. Udhëheqësia e VMRO-DPMNE-së dëshiron që të lë qytetarët dhe shtetin në akull të hollë, vetëm që të mbrohen nga përgjegjësia për krimet e bëra dhe prandaj nxisin dhunë dhe urrejtje”, thekson LSDM në reagim.

Partia shton se do të ketë seancë konstituive, mandat për përpilimin e Qeverisë dhe Qeveri të re reformuese për qytetarët e Maqedonisë, ndërsa se VMRO-DPMNE, siç thekson, janë të obliguar të pranojnë vullnet për shumicën dhe të pranojnë se janë në opozitë dhe të mundësojnë transferin të qetë të pushtetit.