Rinia shkatërroi Kumanovën nikoqire (FOTO)
Henbollistët shkupjan, Rinia sot kanë shënuar një fitore me shumë vlerë në sallën e sporteve në Kumanovë, duke mundur ekipin po me këtë emër, me rezultat përfundimtar 31:37 (12:20), që ishte konkurrent direkt i Rinisë pasi para kësaj ndeshje kishin pikë të barabarta.
Të përzgjedhurit e trajnerit Muhamed Ismaili e kontrolluan gjatë gjithë kohës ndeshjen, duke mos lejuar në asnjë moment ekipin nikoqir të shpresoj në rezultat pozitiv. Në ndeshjen ndaj Kumanovës te Rinia u veçua Filip Angjelkoviq me 18 gola të shënuar, Basri Latifi shënoi 7 dhe Besnik Idrizi 6 gola si dhe disa të tjera me nga një gol
Me këtë fitore tani Rinia ka vetëm një pikë më pak se Mlladosti që ka dhe një ndeshje më pak, ndërsa Vardari ka 3 pikë më shumë. Por sigurisht se për të qenë sa më afër kualifikimit historik në Superligë, Rinia do të ketë shumë punë, ndërsa që në javën e ardhshme luan edhe një derbi, kur në Çair me fillim nga ora 15:00, do të jetë nikoqire e ekipit i Mlladostit. /Portalb.mk/
