Dankan: 67 prej 120 është shumicë, Ivanov ta rishqyrtojë vendimin
Ministri Shtetëror britanik për Evropë dhe për Amerikë, Alan Dankan, dërgoi porosi deri tek presidenti i shtetit Ivanov, që ta rishqyrtojë vendimin e tij për mos dhënien e mandatit Zoran Zaevit.
“67 deputet të rinj të zgjedhur, nga bashkësi të ndryshme në Maqedoni kërkuan formimin e qeverisë. 67 prej 120 janë qartë shumicë, presidenti Ivanov duhet ta rishqyrtojë vendimin”, është porosia e ministrit Dankan e publikuar në ueb faqen e Foreign Office.
Ndryshe, Alan Dankan ishte në Shkup nga data 22 deri më 24 shkurt, kur u takua me liderët e partive politike edhe me kryetarin Ivanov, me çka i ftoi liderët që sa më shpejtë të formojnë qeveri dhe ti japin fund krizës në vend.
Porosinë e ministrit Dankan e shpërndau në rrjetin social twitter edhe ministri britanik në vend Charles Garrett.
