Lallana nënshkruan kontratë trevjeçare me Liverpoolin

Adam Lallana ka marrë një ofertë nga Liverpool për të nënshkruar një kontratë të re trevjeçare, ndërkohë që mediat britanike thonë se ai është i gatshëm të pranojnë kushtet e reja, transmeton Anadolu Agency (AA).

Kontrata e re parasheh që lojtari i përfaqësueses angleze të fitojë në tri vitet e ardhshme 110.000 sterlina në javë (rreth 130.000 euro), me një mundësi për vazhdim të kontratës edhe për një vit.

Këtë sezon, Lallana është duke e përmbushur vitin e tretë nga marrëveshja 5-vjeçare të cilën e nënshkroi me “Redsat” në korrik të vitit 2014, atëherë kurë për 30 milionë euro kaloi nga Southampton.

Që nga ardhja e Jurgen Kloppit në stolin e Liverpoolit, Lallana është bërë një lojtar shumë i rëndësishëm për klubin nga Anfield Road, ndërkohë që kontrata e ofruar flet për respektin që gëzon tek strategu gjerman.

Që nga ardhja në Liverpool, ai ka luajtur 117 ndeshje zyrtare në të cilat ka shënuar 20 gola.