Lindja jote Kosovë!
Ndërmjet gjakut dhe lotit dëgjohet një ulërimë,
një emocion që mban të ngrirë rrugët respiratore, frymëmarrja nuk funksionon nga pritjet e gjata dhe të mbushura me ndjenja dashurie, për një paqe dhe kërkim të një lumturie.
Unë biri yt Kosovë!
Nga masakrat e Reçakut dhe të zhdukurit e Gjakovës arrita të perceptoj ëndrrat e fjetura dhe dëshirat e heshtura edhe pse i vogël për kërkim llogarie, do të shkruaj deri sa të arrij ca pika lumturie.
I heshtur dhe i strukur në mendime në pragun e qelisë, më shtrëngon një agoni mendoj që zgjohem në shtëpi.
Unë biri yt, Kosovë!
I etur nga IDEALI çdo ditë lutem tek varri i heroit Adem Jashari, më fal nëse ndonjëherë zërin e lëshova por kështu më sugjeroj Dr. Ibrahim Rugova.
Unë biri yt, Kosovë!
Me gëzim e shkruaj këtë letër, shpresoj që do të shkruaj historia për ta kthyer në vepër.
Urime KOSOVË 9 vjetorin e lindjes!
Dëfrim Seferi, Gostivar!