Maqedonia nuk lëviz nga vendi, Shqipëria humbë dy, Kosova një pozitë në FIFA

Në renditjen e fundit të publikuar nga FIFA, reprezentacioni i Maqedonisë nuk ka pësuar asnjë ndryshim, ashtu sikurse e kishte mbyllur vitin 2016, e filloi edhe vitin 2017, duke mbetur ne pozitën e 162-të.

Kjo pozitë e Maqedonisë vjen si rezultat i asaj që në peridhën e muajit të fundit reprezentacioni i Maqedonisë nuk kishte luajtur asnjë ndeshje, por edhe te reprezentacionet e tjera nuk kishte ndonjë lëvizje të madhe.

Kombëtarja shqiptare ka humbur dy poziticione në renditjen e FIFA-s. Nga vendi i 49-të, kuqezinjtë  kanë rrëshkitur në të 51-in, edhe pse nuk kanë patur qoftë një ndeshje gjatë muajit dhjetor. Në rënien e Shqipërisë në këtë klasifikim ka ndikuar ngjitja e Republikës Demokratike të Congos në vendin e 49-të dhe e Nigerisë në të 50-tin.

Ky është një nga pozicionet me të këqija të Shqipërisë gjatë viteve të fundit si rezultat i dy humbjeve me Spanjën dhe Izraelin. Kosova ka humbur vetëm një vend dhe tashmë pozicionohet në vendin e 166-të,

Nga skuadrat përfaqësuese të grupit ku ndodhen Maqedonia dhe Shqipëria, Spanja nuk lëviz fare duke ka ruajtur pozitën e 11-të, Italia renditet e 16-të, Izraeli  gjithashtu nuk ka ndryshuar pozicion dhe mban pozitën e 55-të në renditje, ndërkohë një pozicion më lartë është ngritur Lihtenshtejni, që tashmë mban pozitën e 188-të.

Asnjë ndryshim sa i përket dhjetshes së parë të renditjes së FIFA-s. Kryeson me 1506 pikë Belgjika, më pas vijnë Argjentina, Spanja dhe Gjermania, pozicioni i pestë i përket Kilit, ndërsa listën e më të mirëve e mbyllin Brazili, Portugalia, Kolumbia, Anglia dhe Austria. /Portalb.mk/

 

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP