Klaper: Dokumentet e besueshme nuk dolën nga shërbimet e zbulimit të SHBA-së
Drejtori i Shërbimit të zbulimit kombëtar amerikan, Xhejms Klaper përgënjeshtroi presidentin e sapozgjedhur Donald Tramp se shërbimi deri te mediat ka dërguar raport të besueshëm me informata të pakonfirmuara për lidhshmërinë e tij me Rusinë.
Klaper shtoi se dalja e informatave shumë e ka shqetësuar.
Ai theksoi se ka biseduar me Trampin për raportin në të cilin pohohet se Rusia posedon të dhëna personale kompromituese dhe financiare për presidentin e sapozgjedhur të SHBA-së.
Tramp i akuzoi shërbimet e zbulimit amerikan se ua kanë dhënë dokumentet e besueshme mediave.
“Theksova se dokumenti i tillë nuk është prodhim i bashkësisë së zbulimit të SHBA-së dhe se nuk besoj se informatat i ka dhënë dikush nga bashkësia”, theksoi Klaper.
Raporti përmban informata të padëshmuara nga burime anonime për bashkëpunim midis bashkëpunëtorëve të afërt të Trampit dhe Rusisë për hakimin e kompjuterëve të anëtarëve të Partisë Demokratike, si dhe pohime të padëshmuara për aktivitetet e pazakonshme seksuale të presidentit të sapozgjedhur të SHBA-së.